حاجة إتغيرت
أيوة إفتكرتك تاني
من أول ماشوفتك ..
أكيد عرفتك
من عينين إتحيرت ..
لما شافتني إزاي
حقيقي ..
بقيت هنا
بس حاسس حاجة
فيكي إتغيرت ..
الدنيا فعلا
ياحبيبتي صغيرة ..
متصورة
إن البعاد ممكن
ينسيني ملامحك ..
إزاي وأنا
مش ناسي إني
في يوم سامحتك ..
ولسة بتحمل
دموعك لما ودعتك
ولسة حاسس بالندم
كان قد إيه ..
عاملة إيه
دلوقتي قولي
إزي حالك ..
البسمة دي م
الصعب هتخبي
إللي بيكي
أو جرالك ..
أتمنى أشوفك مرة
تانية ..
بجد أحسن من كدا
..........
فاكرة لما قلتلك أكيد
هنتقابل في يوم ..
ساعتها إفتكرتيني بخفف
عنك ..
وسكتي .. وإتكلمت
دموعك
محمدعبدالرحيم
ليست هناك تعليقات:
إرسال تعليق