إكتب سؤال للشعب
وقوله بكره منين ؟؟
من سكة الظالمين
ولا ضياء الأمس
الثورة التي كانت
وما زالت
بتنادي ع الثوار
إكتب سؤال للشعب
عن فرحه ماتت
في زحمة الميادين
عن أم ربت خمسه
واللي باقيلها اتنين
بيعدي ليلها إزاي
بتدعي ع الظالمين
إكتب سؤال للشعب
وفكره ببكره
لما يشيب الشعر
وتنتهي الفكره
لما العيال هاتشب
تسأل علي حقوقها
؟؟؟؟
إكتب سؤال للشعب
عن غربة الأوطان
عن بكره لما اتهان
عن فرقة الخلان
والجمع والصحبة
عن حد مات
مقدرش
يحضر معاه الدفنه
إكتب سؤال للشعب
عن ابن شاف والده
صوره في البرواز
او بيكلمه ف شاشه
ومشاعره جوه إزاز
منين يجيب الحضن
لو ماتت العشره
اكتب سؤال للشعب
وزود التوهه
من امتى كان العتب
تهمه وسبوبه
ياللي سرقت الفرح
من سكة الملايين
بكره يجيلك يوم
تبكي تقول توبه
اكتب سؤال للشعب
سيد عبده
ليست هناك تعليقات:
إرسال تعليق