#إسرائيل_تحترق **قلم أ//محمود بيومي

#إسرائيل_تحترق

برغم اني محبش إنى اكون حاقد
ولا فطبعي الشماتة فحد
ولا عمري فرحت فبلوة ومصيبة
ولا دمعه تسيل علي خد
لكني لقيتني والفرحة
كأنه العيد
كأنه النور ملى يومي
وقلبي سعيد
وانا شايف لسان النار يا صهيوني
بينهش فيك
أكل أراضيك
على طول المدى ممتد
عرفت كمان بأن لربنا أيه
وإن لحكمته غاية
عشان ولا عدنا بنحاربك
ولا نحاسبك
وسيبنا سلاحنا من إيدنا
وخلينا العويل سيدنا
وأعلنا معاك الصلح والهدنه
ولا نقدر عليك في الرد
فسبحان اللي أرسل ناره لبيوتك
وأرسل ريح تحركها عشان موتك
وأصبحنا بنسمع صرخة من صوتك
وانا الشمتان
انا الفرحان يا صهيوني
وبتفرج عليك والع
بتستنجد وتتوسل
كما الشحات بتتسول
تزيد الفرحة في عيوني
ويرجعلي الأمل تاني
إيمان يشتد
يا سارق أرض مش أرضك
وحاصد زرع مش زرعك
وحالب ضرع مش ضرعك
ولما قتلت فعيالنا
ومالقينا عدالة ترد وتحاكمك
فسبحانه الإله حاكمك
بعتلك نار تزيل ملكك
بسلطانه أقام الحد