وعيت عيوني على همسة النجمات
وشافت إيديهن بكل الفرح ملياني
وكانو من وراهن عم يلملمو العتمات
ويكتبو على جبيني آيات فجر تاااني
ضحكت عيوني وصارت تجمع الكلمااات
وتاخد مني دقات قلبي وحلى وجدااني
وعزفت نشيد الشوق بأجمل النغماات
تا صرت دور على روحي بين الحاااني
أنا يا حلوتي عم سابق اروع الهمسات
وحامل معي نيران حبي وأشجاااااني
جايي قلك بغير وجودك ما عندي حياة
وثواني غيابك هني تابوتي وأكفاااني
لا تقولي مجنون وعليي تزيدي الآهات
ولا تبكي على عمر ياما وياما بكاااني
قولي يلا سوا عالربيع نسابق النحلات
واتركي قلبك يهني وريد قلبي الجاااني
ليست هناك تعليقات:
إرسال تعليق