اه ....يامرايتى....
نفس الملامح جوه صورتى
بس ليه مش لاقيه نفسي
رغم انى كان ف نفسي
أعيش حياة تكفى نفسي
كنت محتاجه الجرأه
انى اطلب البرأه
من زمان كان حكمه ظالم
ليه حاكم بالمتاها
يامرايتى
انت فاكرانى ضعيفه
ولا املى فحم شيشه
يامرايتى....
صدقينى...
قولى مرة واسمعينى
اكديلى وانصفينى
انى بالحق بعيش
يامرايتى...
لو فع يوم ضاعت كرامتى
بأى معنى ازاى هعيش
بعدمنها روحى ترخص
متساويش
يامرايتى...
انت اقرب حد ليا
دنيا صعبه وهدى فيا
انت بس بتعرفينى
وبعنيكى بتشوفينى
حسه بيا ..بكل دمعه ساكنه فيا
بين رموشي مداريه
انسي جرحي الل ف ملامحى
انسي رحلة عمر ضايع ف الاهات
ده كتير والله عليا
متقوليش كفايا خبي
هو حلمى كتير على
لما اعيش وسط اهلى
حاميه ابنى..حاميه بنتى
من ظلام ساكن وعايش
بين دروب الحزن بادى
يابلادى...
متقوليش
الف وعد بس وعدك ليا قاسي
فين حنانك ليه تقولى لا مافيش
يامرايتى...
للحياه مش عايز اعيش
بكرة تظهرلك ملامحى
اللى تاهت ف الهموم
وقتها ابقى افتكرى
انى غيرت القانون
بقلمى
شاعرة الروح
نورا على
ليست هناك تعليقات:
إرسال تعليق