مفيش للحب سن ** قلم أ// أحمد السيد

قصيده ---- مفيش للحب سن
اهداء الى اجمل امراه فى قلبى

قالتلى اكتب فيا شعر
قولتلها من عينى
بحبك برغم فرق العمر
ونفسى تحبينى
بحب الشامه اللى تحت انفك
بحب حرفك
بحب اسمك
بحب كل تفصيله فى روحك
قبل جسمك
بحبك كلك كده على بعضك
عجبانى
بحبك ونفسى تحبينى
يا واخده عقلى
وساكنه قلبى
ونن عينى
طلعتيلى منين قوليلى
وانتى حلم والا شئ حقيقى
بالله عليكى صارحينى
سحرتينى
اسرتينى
ملكتينى
برقه قلبك الملكوت
وبطيبتى وجنانى
دخلتى قلبى وصغرتى
سنوات وسنوات
ورجعتى تانى
بنت بنوت
قصاد عينى
يا ست البنات
وطعم الحب فى سنينى
بحبك حب مش معقول
ومهما حاقول -- بحبك
بحب اقول تانى بحبك
بس انتى حسينى
يا اجمل واحده فى طريقى قابلينى
يا اجمل واحده حبيتها
وبحلم تحبينى

بقلمى --- احمد باشا