لما زاد الشوق
لما زاد الشوق ف قلبي
قدام عنيكي قلت أخبي
كل ما تجمعنا الساعات
مهما حاولت أداري حبي
وحتى لو طال السكات
عنيا قوام عليكي تجري
تنطق بكل اللغات
تبوح ب همسي و سري
لو طيفك جنبي مر فات
آه يا آلمي و آه يا مري
لما تغيبي و تزيد الآهات
لما بلهفه عليك أجري
بعد غيبه حببتي جات
فاتح حضني عليه تفري
وجوا مني قلبك يبات
ويا دمي حبك بيسري
ساكنه النبض والدقات
أنتي حلمي وأنتي قدري
معايا ف كل الحالات
أنتي سندي وأنتي ضهري
لما يخوني الثبات
بس يلعب مرة زهري
أنسى بيكى الأمنيات
يحلا ليلي ويا قمري
تتبدل كل الحاجات
لما قابلتك أبتدى عمري
لملميني من الشتات
بين إديكي عشقت سهري
و ودعت كل الذكريات
بقلمي /
أحمد محمد الشريف
ليست هناك تعليقات:
إرسال تعليق