طال السكوت
نفسي أنزل أكسر الخوف جوايا
نفسي أكون أنا جزء من الحكايه
بأعلى صوت هقول للظلم كفايه
لو حتى اموت و يموت حلمي معايا
طال السكوت والصمت خيم ع المرايا
وبقيت اشوفني جبان و الهم ورايا
تعبت آه م الكتمان وفين الاقى دوايا
إنسان ف العدد منسي طول الروايه
حلمي اغير دنيتي ودنيتك معايا
ونرجع أنا وأنتِ كما كنا من البداية
بلاش احس بأخرتي وتوصليني للنهاية
لاهان عليكي دمعتي ولا هان بكايا
لابسه ليه توب الفرح ف يوم عزايا
لا همك إحساسي ينجرح بعد شقايا
أنا اللي على إيدي الخير طرح حكاية
فيها الأصيل رمح من ضرب العصايه
ولما الفقير م الجوع غضب هد البنايه
قالوا عليه قليل الأدب ناقص ربايه
حاسبه نفسك ليه أميرة بين الصبايا
الاسم بلد و ناسها عايشه على العطايا
بقلمي /
أحمد محمد الشريف
ليست هناك تعليقات:
إرسال تعليق