أنا البلياتشو
أنا المسجون ف أحزاني
ضحكتي هي عنواني
الناس منها عرفوني
ولا مرة جم وسالوني
ليه بتبكي ياعيوني
ليه بتبكي وتداري
وحدي عايش أنا ف ناري
أخبي دموعي والآمي
حزين وببتسم لأيامي
رزين لكني واحد تاني
بتشقلب وانا فرحان
وراسم وردة ع وشي
ومن جوايا مهموم تعبان
وليل خيم على عشي
يادنيا ليه كدا دا أنا إنسان
ليه من الفرح حارماني
قالوا كل شئ بأوان
وأنا صابر ع ال يجرالي
أرسم وألوان الكلمات
والكل يضحك على حالي
جوايا ألف حلم مات
ولابد يكون سعيد موالي
ع جسمي كترت العلامات
وخطوط عرض وطوالي
بلياتشو موجوع آهات
وكأني ولا على بالي
دوري أسعد أوقات
كل مشغول وخالي
مش مهم حزين أبات
ومين اللى غنالي
انا بأرسم البسمات
ونصيبي منها ما جالي
بقلمي /
أحمد محمد الشريف
ليست هناك تعليقات:
إرسال تعليق