لحظة ندم. ** قلم الشاعر//ابراهيم الحديدي

لحظة ندم.
بيقولوا عليا شاعر
وليا كلمة وقلم
ومفتكرش لأمي كلمة حلوة
قلتها ليا في لحظة الم
سامحيني
يانبع الحنان سامحيني
لوخدني الزمن
سامحيني
دي لحظة ندم
وشفايفي علي القدم
خدي ايدي وخديني
ضميني ،،،،
وعنيني من غدر الزمن
،، بيقولوا عليا شاعر
وليا كلمه ،، وقلم
فات الاوان
وخلص ،، الكلام
وجف القلم
ومش طايل حتي
لحظة الندم
بأ عدي علي قبرك
بكل حسرة والم
ومش،، طايل
حتي الشفايف
علي القدم
سامحيني ياامي
دي لحظة ندم
لسه دعوتك ليا
بسمعها ،، نغم
جوايا أنين وحنين
رغم بعد السنين
لكل كلمة قلتيها
محسوبه بالورقه
والقلم
بيقولوا عليا شاعر
وليا كلمه ،، وقلم
كلمات/ ابراهيم الحديدي