أنا خايف
ثنائي بين حبيبين
احمد طلبه
أنا خايف
( هو ). مش عارف ليه لما لاقيتك
في حياتي تاني حسيتك
وانا فاكر أن خلاص قلبي
علمني القسوه ونسيتك
أنا خايف مشاعرك تخدعني. لحنين الماضي ترجعني
مش دا الاحساس اللي واجعني لما بإخلاص قلبي هويتك
( هي ). انا راجعه وعارفه اني جرحتك
ورسمت الحزن علي ملامحك
وفارقتك وانا غصب عني
وانا أسفه إني بقلبي دبحتك
( هو). بتقولي دا كان غصب عنك
تجرحي وتبكي حبيب قلبك
وتفوتي جراحي وتنسيني
وكأن مليش خاطر عندك
( هي ). إحساسي يقول لسه شاريني
ولا يمكن قلبك يإذيني
وبكلمه منك تحيني
ودي كلمه انا لسه بحبك
( هو ). ازاي عايزاني تاني اقولها
وقلبك انتي خلاص خانها
لو كنت بحبك وبقولها
انا خايف منك من غدرك
( هي ). وحياتك عندي كانت غلطه
واتعلمت انا من غلطه
دا هواك بقلبي انا غطه
يا ريت تاني ترجعلي
( هو ). ارجوكي سبيني اعيش وحدي
واداوي جرح اللي جرحني
فبلاش قلبك يترجاني
وبلاش من تاني يحكي
هو
كل دموعك مش هتكفي
نار قلبي اللي ظلمتيه
ولا حتي وعودك هتوفي
أنسان دوستي انتي عليه
اتفضلي امشي وسيبيني. والأحسن انك تنسيني
لو فعلآ كنت تحبيني. كان قلبي بغدر ما تإذيه
ليست هناك تعليقات:
إرسال تعليق