لمين هتبكي وتشتكي جرحك
ماعدش حد أمين فى قولهم
بلاش خريطة الحزن في ملامحك
وارسم تيجان الفرح في عقولهم
ياشمتانين ونار الغيره صياده
صفوا قلوبكم م النفاق والزيف
يا ملونين وقلوبكم منكادة
طعم الرضا نور الضحى لكفيف
كل المواجع زنا مجهوله المصدر
كل الجراح تبكى الوحده من نوعها
مين اللي باع لي الألم على أن ده سكر
والروح في حالة نهم من صدها وجوعها
باركوا الجراح بدموع الملح كاسيها
و إغسل عينيك بماء الورد واتطهر
أبراج هنايا بكل الود بانيها
زلزال هشاني الظن بتكسر
أنا نفسي ارجع تاني واحلمكم
مشتاق لنظره حب مش اكتر
رافعين بنار الغل اعلام كم
و النار هتاكل قلبنا وتكبر
#عادل_عوف
مارس
ليست هناك تعليقات:
إرسال تعليق