نفس الدرب
ولسه بحلم يا بنت الإيه
ألمس شعرك الناعم
قلبي احتار م اللهفه عليه
لما طار مع الهوى القايم
راح النسيم يلعب بيه
صحا شوقي بعد ما كان نايم
خدي من دمي شوق حنيه
ولا يهمك لوم اللايم
نداني قلبك لبحر التيه
وجيتك بلا مركبه عايم
بكل ما أملك أنا ألبيه
حبي على المداى دايم
كل منايا وخاطري أرضيه
أعمل ايه ف قلبي الهايم
لسه مكانك موجود فيه
رغم الخوف والجو الغايم
عمر البعد ما أثر فيا
يا اللى حبك مش بأديا
بتقويني كل موجة عتيه
بتوديني ل حلمي الشارد
وسط الخطر والموت البارد
عشقت السفر ع جناح مارد
ورغم الحظر وهلاكي الوارد
أقول يمكن ألقاكي مستنيه
عارف طيفك كان حواليا
بيطمني فى وقت الغربه
وينسيني أيامي الصعبه
لكن ليه معايا بيلعب لعبه
بيغربني فى ساعة القرب
ويمشيني فى نفس الدرب
الحيرة منك بقت ملياني
واسأل نفسي ايه خلاني
أمشي طريقك ل آخر السكة
و أكون ويا كى تكة ب تكة
أصل حبك كده حاجة تانيه
ساكنه الروح ثانية ب ثانيه
ومهما كبرت وعدا زماني
مليون حاجة ليكى شداني
فات العمر ولا يوم نساني
وياما كتير بيفوت الصعب
وأرجع أحلم انا من تانى
امشي معاكى نفس الدرب
بقلمي /
أحمد محمد الشريف
ليست هناك تعليقات:
إرسال تعليق