(( مساجلة شعرية ))
مع المبدعة الشاعرة ( أمل صلاح )
بتحسسني انك مظلوم
وان الحق عليَّ بجد
وإنني فارقة معاك بصحيح
وأنتٙ قساوتك ملهاش حد
وإن غيابي يأثر فيك
وإن حبايبك ناقصين فرد
بس إزاي
دا انت تجاربك ما لها حدود
ومعاك صحبة.... فاقت العد
شقرا وسمرا وبيضا وخمري
يعملوا بينا.. ألفين سد
شايف نفسك رشدي أباظة
وان جمالك فوق الحد
لسه فاكرني بقسوة قلبك
وبتضايق. رغم عمايلك
ولا عندك. تبرير . ولا رد
ليه دائماً.أبني. وأعمر
وأنت بتتفنن.. في. الهد
ظالم وبتستقوى بظلمك
ربك ما بيسيبش لحد
بقلم # أمل صلاح
ه**************
ايوه ف حبك أنا مظلوم
و ان الحق عليك بجد
لو مش عارفة غلاوتك عندي
يبقى بلاها إجابة أو رد
لو تفتكري الخوف دا قساوة
عمر هوايا ما كان له صد
او بتقارني مكانتك بيهم
أنت البدر ما يظهر حد
كل تجاربي قبلك وهم
هم و غم
حرام تتعد
أما الصحبة يا أجمل صحبة
فأنت بوجهك صحبة ورد
أنت الشقرا وأنت السمرا وأنت الساحرة
و أنت نساء الدنيا بجد
مش راح أقول أنا رشدي أباظة
قلبي ألماظه و ضعته في فاظة
أقبلي مني و بدون رد
مش راح أبرر مهما أعبر
يكفي أقول حبك ليه شد
أيوه في حبك أنا مشدود
مربوط بيك بشوق ممتد
ربي يا عالم قدرك عندي
و قيمتك عندي كأعظم فرد
فكري هواكي و روحي معاكي
قصة شوقنا بناء مش هد .
أنت الماضي بكلك راضي
و أنت الأمس و أنت الغد
ليست هناك تعليقات:
إرسال تعليق