،،،،،،(ست البنات)،،،،،،،،،
ست البنات يامعلمه
فيك الولاد متبسمه
يحكي التاريخ قصتك
كل حياتك ملحمه
فنان وراسم نظرتك
قبل الميلاد بكام سنه
كل العلوم حصتك
وعلى المعابد دندنه
حتى الاله على خصلتك
واحد إله أو ربما
قبل الرسل كان بصمتك
في الوحدة مشوار مسنا
رتبتي كل مودتك
للجار تمديه بالهنا
كل اللغات يوم دخلتك
ماسابتش حرف يهمنا
ايد الغزاه يوم لمستك
قطعت بروحنا ودمنا
صاحبة حضارة حضرتك
كل البلاد كانوا عندنا
إتعلموا من شدتك
كل العلوم كانوا مننا
إتعلموا من وحدتك
مينا وجمع شملنا
والطب كان من معدتك
حتى السلاح كان صنعنا
أهرام وكانوا في عصمتك
يامهندسين مين زينا
ياكلمة كانت كلمتك
عربي مأصل بالضنى
النبل كان من قسمتك
لو غاب هيرجع سوسنا
ابنك وداب في محبتك
مهما وغاب راجع غنى
مهما اللسان فيه قسوتك
راجع يدندن بالغنا
ولو الحياء تاه سكتك
لكل تايه وقت ومنى
ولو حياتك تعبتك
مسيرها يوم للدندنا
كل التاريخ وبكلمتك
مهما تعاني تضمنا
واحنا تقاوي زرعتك
نطرح حنان حب وهنا
احنا سنابل قمحتك
مهما انشغلنا بهمنا
وقلوبنا منها مايتك
نروي الغرام مليون سنه
،،،،،،،،،،(شعر)،،،،،،،،،،،،
عبدالله السايح
ليست هناك تعليقات:
إرسال تعليق