زمان يا فن
كنت أقدر
أتوه في اللحن و الكلمة
أشوف الودن مبتسمة
ألاقي القعدة محترمة
و ناس للفن بتقدر
جميل و اسمر
و أشعارك أكيد سكر .
و قلبي شاب و لا يذكر
و ليل فنك زمانه جميل ..
.حليم قنديل
و رشدي صاحب المواويل
يغني بصوته عرباوي
يقول يا ادهم يا شرقاوي
و للعزبي نقول لليل
بهية يا ام رمش كحيل
أمانة عليك يا ليل طول ..
وكارم في الطرب محمود
يا ريتني عشقته عمنول
فريد يعزف بقلبه العود
يقول وياك
و فوق غصن اللمون موجود
و فكره معاك
حليم يشدو يقول موعود
أنا بهواك
و فايزة حبيبها متغرب
و تستناه
وورد الغيرة نار جرب
بنار كوياه
و شادية بدبلته يُخطُب
و تتمناه
و موجي بليغ في ألحانه
و فوزي السحر عنوانه
على باب الغرام يشحت
و ليلى بسحرها مرادي
تغني بقلب مش عادي
و سنباطي مع ثومة
بحب كدا
حكاية حب مرسومة
و بين دا ودا
دليلي احتار في أغانيها
بعيد عنك بتـــــوه فيها
و مين يـــقدر يجاريها
نجـــاة فيروز و ميادة
أصــــالة و فن بزيادة
و ماجدة في الطرب رومي
رزانة و سحر كلثومي
و أقول تاني
زمان يا فن
من غير ليه
كان العاشق
يبان ف عنيه
و كنت اقدر أحس بقيمتي
و أنا بسمع
أجاري اللحن مستمتع
ما شوف شياطين
بتترقص
نهيق و زعيق
حمار يجري هنا يبرطع
شيطان ع الريق
زمان يا فن
صنعتم للغرام تاكسي
و تصعد فوق بساط الريح
و كان الفن يريج نفسي
بيشجي القلب جميل و مريح
و ليه غامت ضاعت شمسي
و صارنا في الردى مجاريح
زمان الفن كان له وقار
بدل كاملة مع السوارية
و دلوقتي مغني حمار
ما تعرف راسه من رجليه
بدوشة فوضى مهرجانات
شباب ضايع سامع بعنيه
ليست هناك تعليقات:
إرسال تعليق