بسم الله الرحمن الرحيم
إن جالك الموت
إن جالك الموت
عدي وفوت
اهرب
اوعوا تبص وراك
كفاية عمرك ضاع
والدنيا لهياك
إن جالك الموت
عدي وفوت
اوعوا تشاور عقلك
اوعوا تحن
الدنيا مش مستاهله
ولا يوم كانت ساهله
إن جالك الموت
عدي وفوت
اوعوا تعول هم عيالك
روح معاه أن جالك
اوعوا تخاف من شي
انسى الكل كليلة
لا واد ولا بت
ولا اخت وخي
اوعوا تبص لفدن وغيط
تبقى عبيط
ولا سرايه وبيت
عمره ما كان ليك
ولا هيمسك فيك
هيقولك روح
انا جاي وراك
وادي دقني
ان شفته هناك
إن جالك الموت
عدي وفوت
ولاتشغل بالك بعيالك
إن كان عملك فيهم زين
هيكون مستني قدامك
وان كان شين
لوم نفسك ما تلوم ايامك
مش خلفت ......بنين وبنات
روح معاه واطمن
اللي خلف عمره ما مات
سنا الشرق
بالهجة .الصعيدي ..الصعيدي الصرف يعني الصعيدي على أصوله
ليست هناك تعليقات:
إرسال تعليق