مش بالكلام
حب الوطن مش بالكلام
ولا با لأماني ولا بالأغاني
حب الوطن دا شكل تاني
عايز قلوب متعشقة.
عايز تفاني
حب الوطن مش بالهتاف
حب الوطن عايز كتاف متوحدة
عايز ايدين الشغالين
اللي تخضر أرضنا
تزرع وتبني ..لابنك ولابني
تحمي شرفنا وعرضنا
تزرع عزيمة. تغرس همم
تطرح سنابل طيبة
تعزف قصيدة متنغمة باسم الوطن
تسمع كمان صوت المكن
محلاه جميل كله شجن
خلونا نصحى من الكابوس
خلونا نخلص من المحن
وتقول كمان للامريكان
إحنا هنا
معونتكم مش هتهمنا
لازم نشمر كلنا
نزرع ونحصد أرضنا
نحمي بلدنا بدمنا
ولا إن حد يذلنا
أرض الحضارة والكرامة
ورايتها حضن يضمنا
*********************
بقلمي. أمل صلاح
ليست هناك تعليقات:
إرسال تعليق