بحب الشعر
بحب الشعر لما يوصف
حال الواقع و الإنسان
واحب الشاعر لما يألف
ألف ديوان عن الاحزان
أحب الشعر لما ينصف
واد جدع يكون عشمان
يكون بطل ل قصة . غير
اللي كل الناس عيشاها
مخدش ف حياته فرصة
و لا قال معلش هستناها
كان عايش عيشه مرة
لكن بطيبته وادبه حلاها
بسيط حتى ف احلامه
لاهمه يدقق ف تفاصيلها
ومهما كانت صعبه أيامه
لا كرها ولا دور ع بديلها
ورغم بساطه وقلة حيلته
بطل و صورته ع الغلاف
كل الناس عرفت حكايته
كأنه أمير ليلة الزفاف
مش علشان نسبه وعيلته
قلنا يتشال فوق الكتاف
بس الشاعر حس بشيلته
تحية للشاعر اللي شاف
كتب وكان الشعر وسيلته
بصوت الحق قال ماخاف
بحب الشعر . بحب الشعر
لما يكون. كده من القلب
يبدء و يكمل قصة حب
كانت حلم وعاش يناديه
أنتى الحب اللي أتمنيته
و اتمنيت أعيش لياليه
أنتى القلب اللي استنينه
و طول الوقت بفكر فيه
خايف قلبي من الايام
بعد ما زاد الحب عليه
ايام عمري تعدي قوام
وتمر سنين بدون ملاقيه
حب كبير ساكن قلبي
مش قادر جوايا أخبيه
ايوة بحب حقيقي بقلبي
بحب صحيح هكدب ليه
بس حبيبتي مش معروفه
أكتب عنها تقول مكسوفه
ازعل منها تقوم مخطوفه
تمد اديها وتيجى ملهوفه
هى كمان حبتني بجد
حب عمر ما حبه حد
بس بينا كان ألف سد
كل منبنى ميت أيد تهد
لا مرة اتقابلنا غير ف
.................. الحكاوى
لا كنت هكتب ولا كنت ناوي
أفتح جراح جوايا طابت
غيبت عنها وهى غابت
كنت وحدي كانت وحيده
ورغم القرب . عني بعيده
الشعر بس نهايته سعيده
لانه حاله غالبها الخيال
ميعرفش شئ اسمه محال
لايعرف بيع ولايعرف سعر
عرفتوا ليه بحب الشعر
بقلمي /
أحمد محمد
ليست هناك تعليقات:
إرسال تعليق