مش فارقه
مش فارقه زود ظلمك كمان وكمان
ومد ايديك اقفل بيبان الخير وامنع حتى لقاط الطير والميه البارده
خد من قوت الغلبان بالزور واملى بطون الغربان وارفع عمدان السور البايده
مهما هتزرع ارضك بور وسواقي تدور على قلة فايده
اللي بنيته بظلم وجور بيت خربان وحيطان من نار قايده
لازم هيدور عليك الدور وتبات خسران بلا اى مقايضه
عارفك مغرور ومصدق نفسك قوى عشمان تكتب اسمك جوا تاريخ الزور بحروف عميان ولسان مقطوع وايد ملويه وعصبيه زايده
كل الممنوع عندك حل ميزان الكون من فعلك خل كام طبال وكام واحد بيغل بروح مدبوحه واحلام شارده
قتلت طموح كام إنسان بضمير مرتاح غفلان قتلت الكل
و برافوا عليك عرفت تلم شلة حواليك نفاق اطنان وحمم بركان للي يفكر يعارض معاليك يموت م الجوع يموت م الذل
لكن
هنفضل برضو احنا باقيين وانت هتروح زى خيال ضل
شمس وغابت قبل شروقها
للنسيان أيامك الله لا يعودها
انت وامثالك برا حدودها بعد الفجر الجاى ميهل
ليست هناك تعليقات:
إرسال تعليق