سمسار
(ِسِمّ سَار) لما يكدب أو يغشّ
لما يبقى همه حَشّ
لما بيدارى العيوب
تختفى ويدِّيها وِشّ
لما يخدع ده وده
يفتكر شاطر كده
هو بيسوِّد صحيفته
عمره مايحس برضا
الغريب بقى كله عامل
إنه سمسار لاجل ياكل
يشبه المنشار بيقطع
فى الطمع عامل مشاكل
مهنة اللى ملهش مهنة
واللى مبيفهمش لعنة
واللى هيغيِّب ضميره
بكره ندعى عليه بوجَعْنا !
للأمانه فيه وفيه
يعنى تلقى ليه وعليه
واللى يُصْدُقْنا ويبَيـِّن
ربنا يبارك إيديه !
حسن رمضان ـ كبير باحثين بالوعظ بالأزهر الشريف
ليست هناك تعليقات:
إرسال تعليق