سوق الأخلاق
سوق كبير تمشي فيه
تلاقي كل البشر
اللي فيه الخير
واللي جواه الشر انتشر
فيه الغالي والرخيص
فيه الاصيل والخسيس
فيه اللي بيحمد ربه ويزيدة
فيه اللي بينهش في عبيدة
ناس تلاقي فيها الطيبة
ناس افعالها عجيبة
ناس وخداها بالدراع
ناس احولها غريبة
وناس تبيع وناس تخون
وناس على ناس تهون
اللي تلقى ضميرة مات
اللي مكتوم بالسكات
واللي ياكل حق غيرة
ميهمهوش لو حتى مات
ناس عايشة فالعذاب
اللي يقبل يكون ذليل
واللي عايش فيها عويل
واللي يعل العليل
واللي يعمل فيها كبير
وهو اخرته للتراب
شفت تاجر للمبادئ
عنده الكدب يبقى صادق
ناس تاكل عيشك وملحك
تلاقي منهم الغدر سابق
تشتري النفوس بكام
كله يبيع بالكلام
اللي عاملك حبيب
فالضهر يضرب اوام
ناس بكلامهم يخدعوك
وبحنانهم يوهموك
كل ما توفي بيبعوك
عايزين دايما يكسروك
خلق ضايعه خلق تايهه
ما عارفه رايحه ولا جايه
عايشين كدا والسلام
تشتري ضيقة وخنقة
من بياعين حرقة دم
تشكي ليهم تحكي ليهم
يزيدو من همك هم
ناس تراضي ناس تحايل
ناس تعدل المايل
ناس تطبطب وناس تجامل
وناس عيشاها بالحلال
اللي تلاقي فالخلق طايح
اللي واخدها مصالح
واللي عامل فيها صالح
وناس تلاقي كلامها يدبح وجارح
عايشين يا دنيا في سوق كبير
كل حاجة موجودة فيه
تمشي تلاقي كل البشر
اللي فيه الخير
واللي جواه الشر انتشر
بقلم ... حسين محمد صبرى
ليست هناك تعليقات:
إرسال تعليق