حلم الحرية
والله حرام تشوف الدم
يسيل اطنان اطنان
و انت لسه محايد و مصدق
اننا نتفاوض ونحقق
نعرف مين فيهم غلطان
بتغيب الشمس بتاع بكرة
و تحاول تهرب م الفكرة
مش لاقى للحاصل عنوان
متخاذل ع الحق الباين
وعمال بتدقق وتعاين
ونسيت إنك إنسان
اطفال بتموت م القهر وم الجبروت
والجوع طلعاله اسنان
وصبيه بتلم التوب
تستغفر ربها وتوب من غصب جبان
والأم مش لاقيه سندها
شايفه بعنيها ولادها ف قبضة سجان
حلم الحرية اتبخر و لاحد عاد متأثر
والدعم جاى متأخر حبة أدوية واكفان
والله حرام
بقلمي /
احمد أحمد محمد الشريف
ليست هناك تعليقات:
إرسال تعليق