وش ملاك
العيد عيدين علينا بيهل
دور جواك على وش ملاك
تاه وياك و راح لبعيد
هتشوفه هناك بلبس جديد
وافتح شباك الحلم و طل
وشوف العيد إزاى خلاك
فرحان وسعيد بتمد الإيد
لأحباب وجيران من أهل وخل
أفتح شبابيك وبيبان القلب
ويلا قوم أطلع من الضل
طفل برئ ماشى فى طريق
الفرحة أتنين و سابق الكل
و العيد عيدين علينا بيهل
زينة والوان فى كل مكان
وعيدية كبيرة وفرحة تبان
ف عيون الناس منها ماتمل
وانت صغير وانت كبير
بتفرد جنحاتك و تطير
والكون م الفرحة ميساعك
اهى لحظة بنتسى اوجاعك
وتقول إيه بس لو يجرى
تدوم اللحظة مع الفكرة
والوقت الحلو يزيد ما يقل
وتعيد و تقلب ف الذكرى
اوعاك تتألم من بكرة
ودور جواك ع وش ملاك
تاه وياك و راح لبعيد
هتشوفه هناك بلبس جديد
وافتح شباك الحلم وطل
العيد عيدين علينا بيهل
بقلمي /
أحمد محمد الشريف
ليست هناك تعليقات:
إرسال تعليق