أيام رمضان
والله بعودة ريحة الايام الطيبة
أيام رمضان و العشرة الاخيرة
صيام و قيام قرآن وحديث
درس من العلم النفيس. وسيرة
أشرف الخلق و الصحابة الكرام
احوالهم في بداية التأسيس
قصص ابطال و حكايات وزينة
سيدنا الرسول مع خير الرجال
و مين يطول وصل الكمال
أيام رمضان و العشرة الاخيرة
ثواب حسنات أضعاف أضعاف
فى بيوت الله حياة و إعتكاف
الدعاء بإذن الرحمن مقبول
و الوشوش فيها نور و قبول
الجنة فاتحة أبوابها الكبيرة
ملايكة بتسلم وقت الدخول
أيام رمضان والعشرة الاخيرة
أفتح بيبان الخير وجود
و اطلب أمل من غير حدود
وزع زكاتك على الفقير وخلي
عشمك ف الكبير قلبك م الفرحة
يطير . واللي راح بكرة يعود
أيام رمضان والعشرة الاخيرة
قبل الختام ليلة بألف شهر
و يوم الزحام ( شوفت ) النبي
ندفع عشانها حياتنا مهر
يا بخت اللي يشرب من إيديه
وينده بإسمه و يسلم عليه
سيدنا الرسول يعرفه يتباها بيه
أيام رمضان والعشرة الاخيرة
بقلمي /
أحمد محمد الشريف
ليست هناك تعليقات:
إرسال تعليق